Нацбанк: У Беларусі няма фінансавага крызысу
Пра гэта паведаміў сёньня на прэс‑канфэрэнцыі начальнік упраўленьня інфармацыі Нацбанку Анатоль Драздоў.
«Крызыс — гэта калі няма чым плаціць, калі банкрутуюць банкі, сьпісваюцца велізарныя фінансавыя страты. Такога ў Беларусі не адбываецца, значыць і няма фінансавага крызысу», — цытуе ягоныя словы БЕЛТА.
Інтэрфакс ж падкрэсьлівае, што Драздоў, усё ж сказаў наступнае:
крызысу няма, але ёсьць цяжкасьці, зьвязаныя з сусьветным фінансавым крызысам.
Прадстаўнік Нацбанку таксама адзначыў, што на сённьняшні дзень беларускія банкі не панесьлі прамых стратаў у адрозьненьне ад 1998 г., існуе дастатковы памер золатавалютных рэзерваў.
«У гэты крызыс мы ўвайшлі зусім у другой сытуацыі, таму і глядзім у будучыню з аптымізмам».