У Светлагорску падчас рамонту водаправоду загінуў 40-гадовы рабочы
Здарэнне адбылося раніцай 13 верасня на выездзе з праезду Стары горад на вуліцу Мірашнічэнка, там здарылася аварыя: парыў водаправода, паведамляе тэлекампанія Ранак.
Каля 9 раніцы прыехала рамонтная брыгада цэха ВКГ. Адзін з работнікаў спусціўся ў калодзеж, каб перакрыць засаўку. Там яму стала дрэнна. Калегі дасталі яго, выклікалі «хуткую дапамогу», але медыкі не паспелі - мужчына памёр да іх прыезду.
Абставіны здарэння высвятляюцца.