Расія прайграла апеляцыю ў Лонданскім судзе па «доўгу Януковіча» памерам $3 мільярды
Украіна выйграла апеляцыю ў апеляцыйным судзе Англіі на рашэнне суда Лондана на карысць Расіі ў справе па «доўгу Януковіча» на $3 мільярды, паведамляе Bloomberg.
Суд адправіў на новы разгляд рашэнне па іску аб спагнанні з Украіны на карысць Расіі запазычанасці па еўрабондах на $3 мільярды.
Суд першай інстанцыі памылкова не стаў разглядаць аргументы ўкраінскага боку, вырашыў суддзя.