Легкавік насмерць збіў веласіпедыста пад Лідай
Аварыя адбылася днём 16 верасня непадалёк ад вёскі Ганчары. Веласіпедыст рухаўся па краі праезнай часткі, у нейкі момант яго збіў аўтамабіль
Мужчына загінуў на месцы. Абставіны аварыі высвятляюцца. Кіроўца легкавушкі растлумачыў, што бачыў веласіпедыста, аднак распавесці, чаму адбыўся наезд, не здолеў.
У ДАІ адзначылі, што да сутыкнення легкавы аўтамабіль не тармазіў, а пазней спыніўся ў 100 м ад месца здарэння.