Мінабароны Расіі: Ракета, якая збіла «Боінг» над Данбасам, належала Украіне
Unian.net
Кіраўнік галоўнага ракетна-артылерыйскага ўпраўлення Мінабароны Расіі генерал-лейтэнант Мікалай Паршын на брыфінгу для журналістаў заявіў, што ракета, якая збіла летам 2014 года Boeing 777 у небе над усходам Украіны, была зроблена на далгапрудненскім прадпрыемстве ў 1986 годзе і прызначана для ЗРК «Бук». Гэта ўдалося ўстанавіць з нумара ракеты.
Прадстаўнік Мінабароны дадаў, што дакументацыя на гэтую ракету да гэтага часу захоўваецца на гэтым прадпрыемстве.
Паводле яго слоў, 29 снежня 1986 ракета была адпраўлена ў вайсковую часць 20152, там ракета была атрыманая. Брыгада ўваходзіла ў склад Прыкарпацкай ваеннай акругі ў Цярнопальскай вобласці Украінскай ССР. Пасля распаду Савецкага Саюза ракета з тэрыторыі Украіны не выводзілася, дадаў Паршын.