Лукашэнка ляціць у Сочы для сустрэчы з Пуціным сам-насам
kremlin.ru
Аляксандр Лукашэнка 20-21 верасня зробіць рабочы візіт у Расійскую Федэрацыю. Пра гэта БЕЛТА паведамілі ў прэс-службе беларускага кіраўніка.
Плануецца, што ў Сочы 21 верасня адбудуцца беларуска-расейскія перамовы на найвышэйшым узроўні з удзелам членаў урадаў дзвюх краін. Аляксандр Лукашэнка і Уладзімір Пуцін таксама правядуць двухбаковую сустрэчу ў фармаце сам-насам.
На парадак дня будзе вынесена актуальная тэматыка беларуска-расійскага супрацоўніцтва.