Патрыярх Кіеўскі ўхіліўся ад адказу на пытанне, што будзе з БПЦ у выніку аўтакефаліі Украіны
У інтэрв'ю з патрыярхам Кіеўскім і ўсёй Русі-Украіны, прадстаяцелем Украінскай праваслаўнай царквы Кіеўскага патрыярхата Філарэтам галоўны рэдактар радыёстанцыі «Эха Масквы» Аляксей Венядзіктаў закрануў пытанне і беларускай аўтакефаліі.
Патрыярх Кіеўскі і ўсёй Русі-Украіны, прадстаяцель Украінскай праваслаўнай царквы Кіеўскага патрыярхата Філарэт.
Венядзіктаў: Скажыце, можа быць, вы ведаеце (такое крыху ўбок пытанне), а што з Беларуссю адбываецца? З Беларускай праваслаўнай царквой? Я пытаюся: яны ж таксама будуць займаць пазіцыю ў сувязі з украінскай аўтакефаліяй.
Філарэт: Яны з'яўляюцца складовай часткай Маскоўскага патрыярхату.
Венядзіктаў: І не хочуць аўтакефаліі?
Філарэт: Хочуць, не хочуць… Але пакуль іх патрыярх — Маскоўскі патрыярх.