Сусветнае антыдопінгавае агенцтва аднавіла статус Расіі
Большасць сябраў выканаўчага камітэта Сусветнага антыдопінгавага агенцтва (WADA) прагаласавалі за аднаўленне статусу Расійскага антыдопінгавага агенцтва (РУСАДА). Пра гэта гаворыцца ў паведамленні ў Twitter WADA.
«Сёння пераважнай большасцю выканаўчы камітэт WADA прыняў рашэнне аднавіць РУСАДА як арганізацыю, якая адпавядае [антыдопінгаваму] кодэксу», — заявіў прэзідэнт WADA Крэйг Рыдзі.
Рашэннем выканкама для РУСАДА таксама вызначаюца часовыя рамкі, на працягу якіх WADA павінна атрымаць доступ да базы даных і ўзораў былой Маскоўскай антыдопінгавай лабараторыі.