Гітлер балатуецца на пасаду мэра горада ў Перу. Ленін абурыўся
YouTube-канал LaVozInforma Ancash
У Перу на пасаду мэра горада Юнгар балатуецца кандыдат па імені Гітлер Альба Санчэс. Гэта выклікала абурэнне з боку яго суайчынніка Леніна Уладзіміра Радрыгеса Вальвердэ, паведамляе ria.ru са спасылкай на Перуанскае радыё RPP.
Радрыгес Вальвердэ звярнуўся ў выбарчыя органы з патрабаваннем адмовіць Гітлеру ў рэгістрацыі на пасаду мэра.
Палітык заявіў, што не ведае пра існаванне гэтага чалавека і лічыць, што Леніна Уладзіміра Радрыгеса Вальвердэ выкарыстоўваюць праціўнікі, прасоўваюць іншага кандыдата.
Гітлер Альба Санчэс прадстаўляе правую партыю «Мы — Перу». У 2011-2014 гадах ён ужо займаў пасаду мэра Юнгара ад цэнтрысцкай партыі «Магчымасці Перу».
«Я добры Гітлер», — сказаў Альба Санчэс.
Кандыдат прызнаўся, што раней неаднаразова сутыкаўся з дыскрымінацыяй з-за свайго імені і збіраўся яго памяняць. Аднак пасля ён перадумаў, каб не пакрыўдзіць бацьку.
«Вядома, мой тата назваў мяне так, бо імя гучала экзатычна. Ён не ведаў гісторыю Гітлера», - дадаў палітык