Расія рыхтавала ўцёкі Асанжа з Брытаніі
У 2017 годзе расійскія дыпламаты вялі таемныя перамовы з блізкім асяроддзем заснавальніка WikiLeaks Джуліяна Асанжа ў Лондане з мэтай дапамагчы яму збегчы з Вялікабрытаніі ў Расію, паведамляе The Guardian.
Фота: flickr.com.
Паводле інфармацыі брытанскага выдання, расіяне хацелі таемна вывезці заснавальніка WikiLeaks з эквадорскага пасольства ў Лондане на дыпламатычным аўто і даставіць у іншую краіну.
Шматлікія крыніцы сказалі, што пунктам прызначэння мусіла быць Расія, дзе Асанжу не пагражала б экстрадыцыя ў ЗША.
Як даведалася выданне, аперацыя была запланавана на канец 2017 года. Заснавальніку WikiLeaks павінны былі выдаць дакументы аб тым, Эквадор дае яму палітычны прытулак, і забраць з пасольства на дыпламатычнай машыне.
Аднак, адзначае The Guardian, ад плана ўцёкаў у рэшце рэшт адмовіліся, ён быў занадта рызыкоўным.