Пенсіянер трапіў у жняярку камбайна на кукурузным полі і загінуў
У Быхаўскім раёне ў жняярку камбайна, які ўбіраў кукурузу, трапіў мужчына. Ён памёр, паведамляе Следчы камітэт.
Фота: sk.gov.by.
Увечары 21 верасня на полі каля вёскі Дабужа Быхаўскага раёна ішла ўборка кукурузы. Трактарыст-машыніст смяротна траўмаваў жняяркай камбайна 82-гадовага мясцовага жыхара.
Распачата крымінальная справа па артыкуле «прычыненне смерці па неасцярожнасці». Следчыя працягваюць высвятляць абставіны здарэння.