У Туркменістане адменяць бясплатныя камунальныя паслугі
З 1 студзеня 2019 года ў Туркменістане перастануць бясплатна забяспечваць насельніцтва электраэнергіяй, газам, пітной вадой і сталовай соллю, паведамляе дзяржаўнае інфармацыйнае агенцтва Туркменістана.
Робіцца гэта «ў мэтах працягу развіцця свабодных рынкавых адносін у эканоміцы Туркменістана».
У дакуменце не ўстаноўлены кошт гэтых паслуг, аднак адзначана, што тарыфы на газ, ваду і электрычнасць будуць ільготнымі.
Газ, вада, электрычнасць і соль былі бясплатнымі для насельніцтва з 1992 года.