Дзе ж мае грошыкі, дзе?
Больш за 5 млн. рублёў, якія магіляўчанка адправіла бандэрольлю ў Мазыр, не дайшлі да адрасата.
Як паведамілі БелаПАН у Мазырскім РАУС, сяброўка з Магілёва выслала мазыранцы каштоўную бандэроль з дакументамі, куды паклала 5,3 млн. рублёў. Атрымаўшы бандэроль, грошай мазыранка не знайшла, пры гэтым усе дакументы былі на месцы. Апрача таго, пакет важыў менш на некалькі грамаў, чым было ўказана ў квітанцыі адпраўніка.
Справа распачата на падставе часткі 1 артыкула 205 Крымінальнага кодэкса (патаемны крадзеж маёмасці).