Пешаходам у Літве забароняць размаўляць па мабільніку на пераходах
Урад Літвы 3 кастрычніка зацвердзіў адпаведныя папраўкі да правілаў дарожнага руху.
Зараз пешаходы падчас пераходу праз дарогу «не павінны рабіць нічога такога, што адцягвала б іх увагу ад акружэння і сітуацыі на дарозе, уключаючы карыстанне сродкамі мабільнай сувязі», піша Delfi.lt.
Кіроўцам з гэтага часу прыйдзецца прапускаць не толькі пешаходаў, якія ўжо выйшлі на праезную частку, але і людзей, хто стаіць ля пераходу.