«Левада-цэнтр»: Рэйтынг даверу Пуціну знізіўся да ўзроўню 2013 года
kremlin.ru
Рэйтынг даверу прэзідэнту Расіі Уладзіміру Пуціну ў верасні склаў 58%. Пра гэта паведамляе «Коммерсант» са спасылкай на дадзеныя апытання «Левада-цэнтра».
Гэты паказчык знізіўся да ўзроўню 2013 года, адзначае выданне. Тады ён складаў 55%.
У параўнанні з мінулым годам рэйтынг даверу Пуціну знізіўся на 17 працэнтных пунктаў. Акрамя таго, з 4% да 13% вырасла доля тых, хто лічыць, што прэзідэнт «зусім не заслугоўвае даверу», піша «Коммерсант».