Дыктатары ня любяць хіп‑хоп
Зорка м’янманскага хіп‑хопу Заяр Таў і яго паплечнікі былі асуджаныя ў чацьвер на некалькі гадоў турмы. Хіп-хопэраў прызналі вінаватымі ў арганізацыі масавых беспарадкаў у краіне.
Зорка м’янманскага хіп‑хопу Заяр Таў (Zayar Thaw) і яго паплечнікі былі прысуджаныя ў чацьвер да некалькіх гадоў турмы.
Перасьледаваныя ваеннай хунтай (яна кіруе краінай ад 1989 г.) Таў - удзельнік папулярнай групы ACID - і пяцёра яго паплечнікаў па моладзевым руху «Хваля пакаленьня» былі арыштаваныя ў чэрвені. Яны бралі ўдзел у маршы пратэсту, прымеркаваным да дня нараджэньня Аун Сан Су Чжы — лідэркі апазыцыі М'янмы , якая доўгія гады знаходзіцца пад хатнім арыштам.
Таў і ягоныя сябры атрымалі па пяць гадоў зьняволеньня, як і 14 сябраў апазыцыйнай «Нацыянальнай лігі за дэмакратыю» (НЛД), у дачыненьні да якіх былі выстаўленыя тыя самыя абвінавачаньні.
Усяго ж за мінулы год пад трыбунал трапілі больш за сотню дзеячаў апазыцыі. Некаторыя зь іх атрымлівалі да 65 гадоў турмы, пасьля чаго былі адпраўленыя ў калёніі ў самыя аддаленыя рэгіёны краіны.
Мінулай восеньню М’янма апынулася на мяжы грамадзянскай вайны, калі сотні тысяч будыйскіх манахаў, студэнтаў і незадаволеных выйшлі на вуліцы пад лёзунгамі зьвяржэньня дыктатуры.
Выступы былі падаўленыя, але ад масавых рэпрэсій супраць апазыцыі ўтрымаў тады ціск ААН, ЗША і Эўрасаюзу.