80-гадовая вяскоўка загінула на полі пад камбайнам. У руках знайшлі торбу з кукурузай
5 кастрычніка ў Дзяржынскім раёне падчас уборкі кукурузы на полі загінула пенсіянерка, якая збірала калгасную кукурузу, паведамляе УСК па Мінскай вобласці.
Механізатар кормаўборачнага камбайна наехаў і смяротна траўмаваў 80-гадовую мясцовую жыхарку.
На месцы здарэння знойдзена торба з кукурузнымi пачаткамі.
Распачатая крымінальная справа па ч. 2 арт. 317 (парушэнне правіл дарожнага руху або эксплуатацыя транспартных сродкаў, што пацягнула па неасцярожнасці смерць чалавека) КК Беларусі.