Афіцыйная прадстаўніца МЗС Расіі прапанавала адразу біць футбалістаў «крэслам у табло»
Фота з інстаграма Аляксандра Какорына
Дырэктар Дэпартамента інфармацыі і друку МЗС Расіі Марыя Захарава іранічна ў сваім фэйсбуку адрэагавала на скандал вакол футбалістаў зборнай Аляксандра Какорына і Паўла Мамаева, што ў панядзелак збілі на паркоўцы ў Маскве беларуса Віталя Салаўчука, а потым напалі ў кавярні на дырэктара дэпартамента Мінпрамгандлю Дзяніса Пака.
«А чаму чыноўнікі раней не дадумаліся даваць крэсламі па галаве футбалістам за прапушчаныя мячы і незабітыя галы? Уяўляеце: не прабіў пенальці — атрымай крэслам у табло. Не электроннае, а сваё», — напісала Захарава.