Пуцін і Трамп могуць сустрэцца ў Хельсінкі ў лютым
Дональд Трамп і Уладзімір Пуцін, магчыма, сустрэнуцца падчас форуму Арктычнай рады ў Фінляндыі вясной 2019 года, паведамляе газета Helsingin Sanomat.
Фота: kremlin.ru.
Трамп, хутчэй за ўсё, прыме рашэнне пра ўдзел у форуме пасля прамежных выбараў у ЗША, якія пройдуць 6 лістапада.
Падрыхтоўка форуму ўжо пачалася, і цяпер падбіраецца магчымая дата правядзення саміту. Сярод імаверных дат — люты (на тыдні, калі адзначаецца Дзень Святога Валянціна 14 лютага) або май 2019 года.