У Смаргонскім раёне з возера дасталі аўтамабіль з целамі двух рыбакоў
У Смаргонскім раёне з возера дасталі аўтамабіль з целамі двух рыбакоў, паведамляе Следчы камітэт.
Следча-аператыўная група агледзела месца здарэння каля возера ў Смаргонскім раёне. З вады дасталі аўтамабіль з целамі двух рыбакоў, якія раней лічыліся зніклымі без вестак.
Двое мужчын 1980 і 1973 гадоў нараджэння з'ехалі на рыбалку на возера 6 кастрычніка, пасля чаго не выходзілі на сувязь. Магчыма, мужчыны заснулі ў машыне, і ў нейкі момант яна пакацілася ў возера.