У Нацыянальным аэрапорце Мінск плануецца будаўніцтва новага тэрмінала
Пра гэта ў прэс-цэнтры БЕЛТА паведаміў міністр транспарту і камунікацый Анатоль Сівак.
«У нас ёсць праблема: па двух месяцах у гэтым і мінулым годзе перабралі магутнасць існуючага тэрмінала. Ён разлічаны на перамяшчэнне 5,8 млн пасажыраў. У чэрвені і ліпені гэтая магутнасць была перакрытая, — распавёў ён. — Аб'ектыўна кажучы, у нас наспела неабходнасць тэрмінова пачынаць работы па будаўніцтве яшчэ аднаго тэрмінала ў Нацыянальным аэрапорце».