Забойства Паліткоўскай замовіў расійскі палітык?
Пра гэта сёньня заявіў адвакат аднаго з абвінавачаных па справе расейскай журналісткі, Мурат Мусаеў.
Ён спаслаўся на абвінаваўчае заключэньне.
«Мы бачым, што гэта ня нехта вялікі і жахлівы, хто спрабуе дэстабілізаваць становішча ў Расеі, як некалі казаў на стадыі сьледзтва шэф Генпракуратуры, а гэта палітычны дзеяч унутры краіны».
«Прынамсі, — зазначыў Мусаеў, — у абвінаваўчым заключэньні сказана, што адна з прычынаў замовы забойства — гэта крытычныя рэпартажы Паліткоўскай пра нейкіх палітычных дзеячаў. Ні пра якіх кантрактных людзей гаворкі няма. Але калі вывучаецца некалькі вэрсій, то навошта тады перадаваць справу ў суд?» — пытаецца адвакат.