Мінская міліцыя вучылася абараняць свой будынак ад захопу? ФОТАФАКТ
Чытачы «Нашай Нівы» даслалі ранішнія фота будынка УУС Мінаблвыканкама і прылеглай тэрыторыі па вуліцы Кальварыйскай.
На даху можна ўбачыць снайпера з вінтоўкай, па перыметры тэрыторыі — людзей у амуніцыі і са шчытамі.
Аналізуючы здымкі, можна было б падумаць, што на тэрыторыі адбываюцца вучэнні па абароне будынка.
Ці так гэта?
Старэйшы інспектар групы інфармацыі і грамадскіх сувязяў УУС Мінаблвыканкама Яўген Сачак сказаў «Нашай Ніве», што вучэнні насамрэч праходзяць, падчас іх «адбываецца адпрацоўка самых разнастайных задач па розных сцэнарах».