У Іарданіі аўтобус са школьнікамі змыла патокам падчас залевы. Загінулі 17 чалавек
У Іарданіі школьны аўтобус быў змыты патокам падчас залевы. Загінулі прынамсі 17 чалавек, большасць з іх — дзеці.
Усяго ў аўтобусе, па папярэдніх дадзеных, знаходзіліся 37 школьнікаў і сямёра дарослых. Некаторыя знаходзяцца ў цяжкім стане. Яны ехалі на экскурсію ў раёне Мёртвага мора.
З-за здарэння кароль Абдала адмяніў сваю паездку ў Бахрэйн. Да пошукава-выратавальнай аперацыі далучыліся ізраільскія вайскоўцы.