Міністр сельскай гаспадаркі: Чакаем, што пытанні наконт малака вырашацца ў лістападзе
Фота Вольгі Шукайлы
Беларускі бок чакае, што пытанні па пастаўках малака ў Расію вырашацца ў наступным месяцы. Пра гэта перад адкрыццём Форуму рэгіёнаў Беларусі і Украіны заявіў журналістам міністр сельскай гаспадаркі і харчавання Беларусі Леанід Заяц, піша Tut.by.
- На сёння закрытымі цалкам і часткова для паставак застаюцца яшчэ 43 прадпрыемствы. Мы чакаем станоўчага вырашэння пытання ад Расійскай Федэрацыі па пяці прадпрыемствах. Чакаем, што пытанні вырашацца ў лістападзе месяцы, - заявіў Леанід Заяц.
З нагоды варыянту стварэння агульнага беларуска-расійскага прадпрыемства сухога малака міністр адказаў, што такое пытанне не абмяркоўваецца.
—Абмяркоўваюцца аб'ёмы паставак памесячна з кожнага прадпрыемства, таму мы зрабілі графікі паставак малака з нашых прадпрыемстваў памесячна на 2019 г., - растлумачыў міністр.