У Жлобіне ў жылым доме выбухнуў бытавы газ ФОТЫ
У Жлобіне ў адной з кватэр дзевяціпавярховага жылога дома адбыўся выбух бытавога газу. Пацярпелі два чалавекі, паведамляе МНС.
Выбух адбыўся ў аднапакаёвай кватэры на 7 паверсе. Моцныя апёкі ног атрымаў 25-гадовы гаспадар. Ад выбуху ў яго кватэры вынесла вокны і дзверы.
Таксама знесла сцяну ў кухні, якая абрынулася на суседзяў. Пацярпеў 26-гадовы мужчына. У яго траўма галавы.
Адна з версій прычын выбуху — адкрытая фаерка газавай пліты ў адной з кватэр.