Пацярпелыя ў страшнай аварыі ля Радашковіч у цяжкім стане, сярод іх двое малых дзяцей
У аварыі, якая адбылася ў суботу 27 кастрычніка, загінулі чатыры чалавекі.
Фота СК.
Як паведаміла БелТА прэс-сакратар Міністэрства аховы здароўя Юлія Барадун, сярод пацярпелых двое дзяцей.
Аднаго малога, якому 1,5 года, даставілі ў абласную дзіцячую клінічную бальніцу. Медыкі праводзяць комплекс абследаванняў, каб выключыць унутраныя траўмы.
Другое дзіця, якому дзесяць гадоў, знаходзіцца ў РНПЦ неўралогіі і нейрахірургіі. У яго адкрыты асколачны пералом галёнкі.
Што тычыцца дарослых пацыентаў, дзве жанчыны дастаўлены ў Гарадскую клінічную бальніцу хуткай медыцынскай дапамогі Мінска, трэцяя — у Мінскую абласную бальніцу. У пацярпелых шматлікія пашкоджанні, закрытыя і адкрытыя ЧМТ, траўмы канечнасцяў. Медыкі аказваюць усю неабходную дапамогу.
Як паведамлялася, аварыя адбылася ў суботу 27 кастрычніка каля 16.30 на 35-м км дарогі Р-28 Мінск — Маладзечна. Сутыкнуліся «Мазда» і «Фальксваген Джэта». Па папярэдніх дадзеных, кіроўца «Мазды» выехаў на сустрэчную паласу.