Вілейчукі выстаўляюць яблыкі ў пакетах на вуліцы горада ФОТА
Сёлетні ўраджай яблыкаў сапраўды ўражвае. Гаспадары, відаць, наставілі варэнняў, кампотаў, напяклі шарлотак. А тым, што засталося, можна пачаставаць усіх ахвотных.
Пакеты з яблыкамі і з запрашэннем частавацца пачалі з’яўляцца на вуліцах Вілейкі некалькі дзён таму.
— Апошні раз бачыла пакеты каля трэцяй школы, — кажа жыхарка Вілейкі, актывістка Вольга Шляпо. — Нядаўна былі і на цэнтральнай плошчы горада.