У Гродне затрымалі жанчыну, што выкінула на сметнік нованароджанага сына
Фота СК
У Гродне знайшлі і затрымалі жанчыну, што выкінула на сметнік нованароджанага сына, паведамілі сёння на брыфінгу СК у абласным цэнтры.
Нагадаем, што цела знайшлі 9 кастрычніка ў кантэйнеры для смецця.
У ходзе расследавання справы была выяўлена асоба жанчыны.
Гэта 34-гадовая гарадзенка. Яе мацярынства пацвердзілася па выніках правядзення даследавання ДНК.
31 кастрычніка жанчына затрыманая следчымі па непасрэдна ўзніклым падазрэнні ў здзяйсненні злачынства. Праводзяцца следчыя дзеянні, скіраваныя на высвятленне матываў і мэтаў ўчынку.