Сарвана сустрэча Лукашэнкі з Пуціным і Мядзьведзевым
Бакі «не сышліся ў поглядах на разьвіцьцё саюзнай дзяржавы» і перанесьлі сустрэчу на няпэўны тэрмін. Адкладзена прызначанае падпісаньне пагадненьня пра афіцыйнае стварэньне аб’яднанай сыстэмы супрацьпаветранай абароны.
Заплянаванае на 1 сьнежня паседжаньне т.зв. вышэйшае дзяржарады саюзнай дзяржавы Расеі і Беларусі сарвана. Першым пра тое паведаміла расейскае выданьне «КоммерсантЪ». Інфармацыю пра перанос паседжаньня пацьвердзілі Адміністрацыя прэзыдэнта Расеі, расейскі МЗС і апарат дзяржсакратара саюзнай дзяржавы Барадзіна.
Як піша «КоммерсантЪ»,
«бакі не сышліся ў поглядах на разьвіцьцё саюзнай дзяржавы» і перанесьлі сустрэчу на няпэўны тэрмін. Што важна, адкладзена прызначанае падпісаньне пагадненьня пра афіцыйнае стварэньне аб’яднанай сыстэмы супрацьпаветранай абароны.
Масква вінаваціць Менск, а Менск — Маскву.
Адклад паседжаньня — значны дыпляматычны скандал, які папсуе і без таго дзіўныя адносіны Беларусі й Расеі.