Буйное ДТЗ на МКАД у раёне Каменнай Горкі
Сёньня раніцай там сутыкнуліся 11 машын.
Як паведамілі БелаПАН у сталічнай Дзяржаўтаінспекцыі, на 36‑м кіламетры ўнутранага кальца МКАД у раёне Каменнай Горкі сутыкнуліся 11 транспартных сродкаў.
У ДАІ лічаць, што прычынай дарожна‑транспартнага здарэння стала невыкананне вадзіцелямі дыстанцыі і хуткаснага рэжыму.
Паводле папярэдняй інфармацыі, у ДТЗ ніхто сур’ёзна не пацярпеў. Аднак яно стала прычынай затору, што расцягнуўся на некалькі кіламетраў.