Спыніў працу малаказавод у Добрушы
Звыш 130 працаўнікоў Добрускага маслазаводу — філіялу гомельскага ААТ «Малочныя прадукты» — адпраўленыя ў вымушаны адпачынак.
Ініцыятарам нечаканага адпачынку быў наймальнік. Работнікам аплацяць дзьве траціны тарыфнага акладу.
Завод выпускаў масла, тварог, малако, сьмятану, сыр, казэін. Цяпер мясцовыя гаспадаркі адпраўляюць малако на перапрацоўку ў Гомель.
Дырэктар філіялу Аляксандар Барсякоў так патлумачыў цяперашнюю сытуацыю: «Мы выпускаем такую прадукцыю, на якую сёньня на сусьветным рынку надзвычай упалі цэны”.