Магілёвец пагражаў прыяцелю зарэзаць яго за тое, што той не прызнаваў яго зухаватасці
Магілёвец пагражаў зарэзаць нажом 39-гадовага жыхара Шклоўшчыны. Двое знаёмых пілі ў лесе. Затым мужчыны сталі высвятляць, хто з іх зухавацейшы. Ва ўласнай перавазе быў упэўнены 31-гадовы магілёвец. Калі ён заўважыў, што прыяцель усё роўна не верыць у яго выключнасць, то дастаў нож і прыставіў да яго горла, абяцаючы забіць. Прыяцелю прыйшлося пагадзіцца. Пасля ён пазваніў у міліцыю.
Будзе распачатая крымінальная справа па арт. «Пагроза забойствам». 31-гадовы падазраваны нідзе не працуе, знаходзіцца на ўліку ў крымінальна-выканаўчай інспекцыі, быў раней судзімы.