У мінскіх гандлёвых цэнтрах правераць падвесныя столі
Абследаванні падвесных столяў і сістэм правядуць у гандлёва-забаўляльных цэнтрах і іншых аб'ектах Мінска, якія займаюць вялікія плошчы. Пра гэта паведаміў карэспандэнту БелТА намеснік старшыні Мінгарвыканкама Віктар Лапцеў па выніках пасяджэння камісіі па надзвычайных сітуацыях пры Мінгарвыканкаме, дзе разглядалася сітуацыя з абвальваннем падвесных канструкцый у Арэне-Сіці.
Што тычыцца самой Арэны-Сіці, то тут прынялі рашэнне аб забароне доступу ў памяшканні з аналагічным тыпам падвеснай столі да атрымання заключэнняў. Супермаркет ProStore на першым паверсе працягне працаваць.