Міліцыя правяла выхаваўчую гутарку з мінчуком, які завязаў шалік скульптуры гарадовага ВІДЭА
Зміцер Завадскі размясціў у сваім фэйсбуку відэа, на якім вешае шалік на шыю мінскаму гарадавому
Да яго падышлі міліцыянты і запыталі, навошта ён гэта зрабіў. «Хацеў сагрэць скульптуру і сфатаграфавацца», — патлумачыў малады чалавек. «Вы павесілі шалік на скульптуру, якая ахоўваецца», «Нельга на яго нічога вешаць, бо гэта помнік». Хлопцу прапанавалі прайсці ў пастарунак.
Скончылася ўсё гэтым разам хэпі-эндам. «Завялі ў аддзяленне, перапісалі звесткі і правялі кароткую тлумачальную гутарку, што «гэта скульптура з'яўляецца тварам МУС» і што «наступным разам нічога на помнік вешаць не варта», — напісаў у фэйсбуку Зміцер Завадскі.