Сіноптыкі: у суботу лістападаўскае надвор'е ўпрыгожыць мокры снег
23 лістапада надвор'е Беларусі будзе вызначацца вобласцю павышанага атмасфернага ціску, паведамляе Белгідрамет.
Чакаецца воблачнае з праясненнямі надвор'е, без істотных ападкаў. Месцамі слабыя туман і галалёд. На асобных участках дарог галалёдзіца.
Тэмпература паветра ўначы -2..- 8° С, усярэдзіне дня -3.. + 3° С.
24 лістапада месцамі пройдуць кароткачасовыя ападкі (снег, мокры снег, днём па паўднёвым захадзе з дажджом). У асобных раёнах туман, слабы галалёд, на дарогах галалёдзіца. Вецер паўднёвы.
Тэмпература паветра ноччу -2..- 8° С, пры праясненнях да -11° С, днём -3.. + 3° С.