Абельскую ўзнагародзілі ордэнам Пашаны, а Макея — ордэнам Айчыны ІІІ ступені
Аляксандр Лукашэнка 27 лістапада падпісаў указ аб узнагароджанні 134 чалавек.
Сярод тых, хто атрымаў ордэн Пашаны — Ірына Абельская, а ордэн Айчыны ІІІ ступені — Уладзімір Макей.
Паводле ўказу, узнагароды далі «за шматгадовую плённую працу, высокі прафесіяналізм, узорнае выкананне службовых абавязкаў, смелыя і рашучыя дзеянні ў абставінах, звязаных з рызыкай для жыцця, вялікі асабісты ўклад ва ўмацаванне аўтарытэту і іміджу Беларусі на міжнароднай арэне, развіццё заканадаўства і парламентарызму, беларускай журналістыкі» і іншае.