Сядзела на парэнчах і курыла: у Брэсце жанчына звалілася з балкона чацвёртага паверха
У Брэсце з балкона сваёй кватэры на чацвёртым паверсе выпала 37-гадовая жанчына. Пацярпелая знаходзіцца ў рэанімацыі, паведаміў БелТА афіцыйны прадстаўнік УСК па Брэсцкай вобласці Дзмітрый Іванюк.
Няшчасны выпадак адбыўся ўвечары 29 лістапада на бульвары Касманаўтаў. Папярэдне ўстаноўлена, што нецвярозая берасцейка курыла, седзячы на парэнчах балкона.
У нейкі момант не ўтрымала раўнавагі і ўпала ўніз. Яна знаходзіцца ў рэанімацыі ў цяжкім стане.