Microsoft будзе пастаўляць шлемы віртуальнай рэальнасці для арміі ЗША
Microsoft будзе пастаўляць вайскоўцам шлем дапоўненай рэальнасці HoloLens для выкарыстання ў баях і трэніровачных праграмах, паведамляе Ars Technica.
Праграма мае на мэце распрацоўку шлема, які дасць салдатам ЗША перавагі ў баях. У ходзе распрацоўкі IVAS вайскоўцы спачатку замовяць 2550 прататыпаў, а вытворчасць перавысіць 100 000 прылад.
«Тэхналогія пашыранай рэальнасці прадставіць войскам больш падрабязную інфармацыю для прыняцця рашэнняў», — падкрэсліў прадстаўнік Microsoft, дадаўшы, што кампанія мае даўнія, даверныя адносіны з міністэрствам абароны.