У Мінскім раёне кіроўца не справіўся з кіраваннем аўто, загінулі яго бацька і бабуля
У Мінскім раёне 19-гадовы кіроўца на Daewoo Espero не справіўся з кіраваннем і сутыкнуўся з грузавіком Volvo FH, які рухаўся ў спадарожным напрамку, паведамляе УДАІ УУС Мінскага аблвыканкама.
Аварыя адбылася на 31-м кіламетры трасы М14. Загінуў 55-гадовы бацька кіроўцы і 78-гадовая бабуля. Сам малады чалавек, стаж кіравання якога меншы за два гады, не пацярпеў. Прычыны ДТЗ высвятляюцца, праводзіцца праверка. На аўтамабілі былі ўсесезонныя шыны.