У Мазыры «Пежо» з летнімі шынамі збіла сям'ю на пераходзе
Як паведамляе тэлеканал «Мазыр», ДТП адбылося 7 снежня.
За рулём «Пежо» была жанчына, якая не саступіла дарогу пешаходам. Пазней кіроўца патлумачыла, што людзі з’явіліся на дарозе нечакана і яна іх не заўважыла.
У выніку здарэння пацярпела сямейная пара: у жонкі адкрыты пералом носа, у мужа ўдары.
ДАІ высветліла, што на задняй восі «Пежо» стаялі летнія шыны, да таго ж аўтамабіль не прайшоў планавы тэхагляд.