Першы віцэ-мэр Мінска: Будзем адкрываць больш крамаў на першых паверхах дамоў
У Мінску будуць адкрываць больш гандлёвых аб'ектаў на першых паверхах дамоў. Пра гэта ў эфіры «Беларусь 1» заявіў першы намеснік старшыні Мінгарвыканкама Фёдар Рымашэўскі.
Фёдар Рымашэўскі
«Плануем рабіць акцэнт на першыя паверхі дамоў — памяшканні 100-150 кв.м. Напэўна, гэта будзе не так цікава сеткавым аператарам, якім патрэбныя вялікія плошчы нават на крамы крокавай даступнасці. Такія крамы каля дома дазволяць стварыць канкурэнцыю, а таксама новыя працоўныя месцы», — падзяліўся планамі Фёдар Рымашэўскі.
У Мінску ўжо працуюць 9 тысяч гандлёвых аб'ектаў, палова якіх з'яўляецца крамамі крокавай даступнасці.