Ва ўрадзе Расіі заявілі, што дамовы з Мінскам аб кампенсацыі за падатковы манеўр не было
Фота з фэйсбука Дзмітрыя Мядзведзева.
Дамоўленасцей аб выплаце кампенсацыі Беларусі ў сувязі з падатковым манеўрам ў нафтагазавай галіне РФ ніколі не было. Пра гэта, як перадае ТАСС, паведаміла ў панядзелак прэс-служба ўрада РФ у адказ на словы Аляксандра Лукашэнкі, які выказаўся пра дамоўленасці па кампенсацыі Мінску ў сувязі з падатковым манеўрам.
«Яшчэ раз хочам адзначыць, што ніякіх дамоўленасцяў аб выплаце кампенсацыі Беларусі ў сувязі з падатковым манеўрам ў нафтагазавай галіне РФ ніколі не было. Дамоўленасць складалася ў тым, каб абмеркаваць гэтае пытанне. Менавіта гэта цяпер і адбываецца», — падкрэслівае прэс-служба Кабміна Расіі.
На 25 снежня запланавана сустрэча Аляксандра Лукашэнкі і Уладзіміра Пуціна.