У Мінску з траўмамі пасля катання на цюбінгах да медыкаў звярнуліся больш за 130 чалавек
З пачатку зімы ў РНПЦ неўралогіі і нейрахірургіі з траўмамі, атрыманымі пры катанні з горак на цюбінгах, звярнуліся больш за 100 дзяцей, паведамляе прэс-служба Міністэрства аховы здароўя.
Шпіталізаваны 35 пацярпелых, з іх трое — з цяжкімі траўмамі. Дваіх непаўналетніх прааперавалі. Адно дзіця перанесла дзве аперацыі.
Па словах кіраўніка РНПЦ, галоўнага пазаштатнага спецыяліста па дзіцячай нейрахірургіі Міністэрства аховы здароўя Міхаіла Талабаева, кожны выходны, святочны дзень у цэнтр прывозяць з траўмамі мінімум 10—15 дзяцей.
Акрамя таго, за мінулыя школьныя канікулы па дапамогу ў РНПЦ траўматалогіі і артапедыі звярнуліся больш за 30 дзяцей з так званымі цюбінгавымі траўмамі, 9 з іх шпіталізаваны.