У Беларусь прыедзе кіраўнік венгерскага МЗС
Міністр замежных спраў і знешняга гандлю Венгрыі Петэр Сійярта 14 студзеня наведае Беларусь, паведамляе БелТА.
Падрыхтоўка візіту венгерскага міністра ў Мінск абмяркоўвалася сёння на яго сустрэчы з паслом Беларусі ў Венгрыі Аляксандрам Панамаровым. Дыпламаты разгледзелі актуальныя пытанні двухбаковага супрацоўніцтва з акцэнтам на эканамічнае ўзаемадзеянне. Падчас сустрэчы беларускі пасол таксама перадаў Сійярта копіі даверчых лістоў.