Адвакат назваў дату дэпартацыі Рыбкі і Леслі ў Беларусь і Расію
Аляксандр Кірылаў (Алекс Леслі), Настасся Вашукевіч (Насця Рыбка) і іншыя шэсць удзельнікаў па справе аб нелегальным сэкс-трэнінгу ў Тайландзе будуць дэпартаваныя ў Расію і Беларусь 17 ці 18 студзеня.
Пра гэта паведаміў РБК старшы кансультант па справах замежных грамадзян калегіі адвакатаў Thailand Bail Нейтан Фіней.
«Сваякі Настассі і іншых фігурантаў справы цяпер займаюцца падрыхтоўкай неабходных дакументаў і квіткоў», — сказаў Фіней. Зараз Рыбка і Леслі знаходзяцца ў лагеры для імігрантаў у Бангкоку, доступу да іх няма.
Рыбка і Леслі былі затрыманыя ў Тайландзе ў канцы лютага па падазрэнні ў правядзенні незаконнага сэкс-трэнінгу. 15 студзеня яны прызналі сваю віну ў тайскім судзе і атрымалі ўмоўны тэрмін.