«Беларускамоўнага азербайджанца» вызвалілі з ізалятара і абавязалі з’ехаць з Беларусі
У верасні «Наша Ніва» пісала пра гісторыю Сеймура Мамедгусейнава — азербайджанца, які сядзеў у ІЧУ разам з Паўлам Севярынцам. Цяпер стала вядома, чым усё скончылася.
Нагадаем, Мамедгусейнава падазравалі ў сувязях з крымінальнікамі па ўсім былым СНД. У ізалятары ён знаходзіўся з красавіка 2018 года.
Але 15 студзеня стала вядома, што Сеймур выйшаў на волю. Праўда, па інфармацыі «Новага часу», яго абавязалі цягам месяца з’ехаць з Беларусі — Мамедгусейнаў з’яўляецца асобай без грамадзянства, хоць і даўно жыве ў Беларусі.