Пакуль ішоў суд, «Лільчын тата» напісаў дэтэктыў «Шэсць удараў нажом у спіну, або Гісторыя пра тое, ці можна вызваліць дзіця з абдымкаў Сатаны»
Дзмітрый Цімашкоў, фота Паўла Марцінчыка
Сёння быў вынесены прысуд 14-гадоваму падлетку, які напаў з нажом на свайго бацьку Дзмітрыя Цімашкова. Суд прызнаў школьніка вінаватым у замаху на забойства і прысудзіў да мінімальнага пакарання — шэсць гадоў пазбаўлення волі ў выхаваўчай калоніі.
Kp.by заўважае, што пакуль ішло разбіральніцтва, Дзмітрый Цімашкоў напісаў дэтэктыўны раман «Шэсць удараў нажом у спіну, або Гісторыя пра тое, ці можна вызваліць дзіця з абдымкаў Сатаны і выратавацца самому».
Аўтар сцвярджае, што героі кнігі толькі падобныя да сапраўдных, а рэальныя падзеі пераплятаюцца з выдуманымі.