Патрыярха Кірыла зробяць прафесарам Расійскай акадэміі навук
Патрыярх Маскоўскі і ўсяе Русі Кірыл атрымае званне ганаровага прафесара Расійскай акадэміі навук (РАН), паведаміла РБК кіраўнік прэс-службы РАН Святлана Папова.
«Свяцейшы прафесійна кажа пра навуку, вялікі папулярызатар навукі, большага энтузіязму па збліжэнні навукі і рэлігіі я ў сваім жыцці не сустракала», — адзначыла яна.
Патрыярх рэгулярна ўдзельнічаў у здымках папулярнай тэлеперадачы пра навуку «Відавочнае — неверагоднае», дадала Папова.