У Бабруйску 7-класнік скраў аўтамабіль
Увечары 21 студзеня каля школы № 34 у Бабруйску скралі аўтамабіль «Пежо».
Выкраданне стала магчымым, бо кіроўца аўтамабіля забыўся ключы ў машыне. Калі ён убачыў, што яна знікла, адразу патэлефанаваў у міліцыю. Быў абвешчаны план-перахоп.
На працягу гадзіны скрадзеную машыну знайшлі. Паводле папярэдняй інфармацыі, за рулём яе быў 12-гадовы навучэнец адной са школ горада.